Author Archive
2015 წლის 16 ივნისს საქართველოს შრომის, ჯანმრთელობისა და სოციალური დაცვის სამინისტროსა და ზიანის შემცირების ევრაზიის ქსელს (EHRN) შორის გაფორმდა ურთიერთგაგების მემორანდუმი, რომელიც ითვალისწინებს 2015 წლის 29 სექტემბერიდან – 1 ოქტომბერის პერიოდში საქართველოში, როგორც რეგიონში ლიდერ ქვეყანაში, მაღალი დონის რეგიონული შეხვედრის ჩატარებას აივ/შიდსისა და ტუბერკულოზის საპასუხი ღონისძიებების გარდამავალ გეგმის და პროგრამების მდგრადობის უზრუნველყოფის საკითხებთან დაკავშირებით.
2015 წლის 8 ივნისს საქართველოს შრომის, ჯანმრთელობისა და სოციალური დაცვის სამინისტროს შენობაში გაიმართა გლობალური ფონდის წარმომადგენლების შეხვედრა ტუბერკულოზის ეროვნული სტრატეგიული გეგმისა და გლობალური ფონდის დაფინანსების მისაღებად განაცხადის (ე.წ. კონცეფციის დოკუმენტის) შემუშავების მიზნით მოქმედი ჯგუფის წევრებთან.
გლობალური ფონდის წარმომადგენლებმა გაუზიარეს შეხვედრის მონაწილეებს მე-5 ციკლის კონცეფციის დოკუმენტების ტექნიკური პანელის განხილვის რეკომენდაციები.
შეხვედრის მონაწილეებმა ისაუბრეს სტრატეგიის და კონცეფციის დოკუმენტის ძირითად მიმართულებებზე და გლობალური ფონდის პროგრამების ეფექტიანობის გაზრდის გზებზე.
შრომის, ჯანმრთელობისა და სოციალური დაცვის მინისტრის მოადგილემ, ვალერი კვარაცხელიამ ტუბერკულოზისა და ფილტვის დაავადებათა ეროვნული ცენტრში ის ადგილი დაათვალიერა, სადაც პედიატრიული დეპარტამენტის მშენებლობა უნდა დაიწყოს.
წყარო: www.moh.gov.ge
დეტალური ინფორმაციისათვის გთხოვთ გადახვიდეთ შემდეგ ბმულზე:
http://www.moh.gov.ge/index.php?lang_id=GEO&sec_id=29&info_id=2407
ქვეყნის საკოორდინაციო საბჭო აგრძელებს გლობალურ ფონდში წარსადგენ ტუბერკულოზის კონცეფციის დოკუმენტის შემუშავების პროცესის კოორდინირებას.
განაცხადი ყველა დაინტერესებული მხარის აქტიური მონაწილეობისა და დიალოგის რეჟიმში მზადდება.
სამთავრობო და არასამთავრობო, აგრეთვე დონორი ორგანიზაციების, ადგილობრივი და საერთაშორისო ექსპერტების მონაწილეობით ჩამოყალიბდა სამუშაო ჯგუფი. ტუბერკულოზის განაცხადის წარდგენის საბოლოო ვადაა- 2015 წლის 15 ივლისი.
საკოორდინაციო საბჭო მიესალმება არასამთავრობო ორგანიზაციების, განსაკუთრებით კი დაზარალებული მოსახლეობის ჩართვას სამუშაო პროცესში.
ჯგუფების შეხვედრები ღიაა და მასზე დასწრება შესაძლებელია ყველა დაინტერესებული მხარისთვის.
დეტალური ინფორმაცია გლობალური ფონდის დაფინანსების ახალი მოდელის შესახებ შეგიძლიათ იხილოთ შემდეგ მისამართზე: http://www.theglobalfund.org/en/fundingmodel/
შეკითხვებით და დამატებითი ინფორმაციის მოთხოვნით გთხოვთ მიმართოთ ქვეყნის საკოორდინაციო საბჭოს სამდივნოს:
ირინა გრძელიძე, აღმასრულებელი მდივანი. secretary@ccm.caucasus.net ტელ: 51 00 11 (0615);
ნათია ხონელიძე, ადმინისტრაციული ასისტენტი. admin.ccm@caucasus.net. ტელ: 51 00 11 (0616)