Archive for the ‘1’ Category

2017 წლის 24 მარტს ტუბერკულოზისა და ფილტვის დაავადებათა ეროვნული ცენტრის შემადგენლობაში, ბავშვთა ტუბერკულოზის სამკურნალო განყოფილების ახალი შენობა გაიხსნა. ახალი განყოფილება 21 საწოლზეა გათვლილი და ბენეფიციარების საჭიროებებზე მაქსიმალურად არის მორგებული.

2017 წლის 23 მარტს, ტუბერკულოზისა და ფილტვის დაავადებათა ეროვნულ ცენტრში ტუბერკულოზის მსოფლიო დღისადმი მიძღვნილი კონფერენცია გაიმართა. კონფერენციაზე გაკეთდა მოხსენებები ტუბერკულოზის დარგში ახალი სამკურნალო და დიაგნოსტიკური საშუალებების, ასევე მეცნიერების კუთხით საერთაშორისო და საქართველოს გამოცდილების და უახლესი ტენდენციების შესახებ.

2017 წლის 28 თებერვალს საქართველოს შრომის, ჯანმრთელობისა და სოციალური დაცვის სამინისტროში ქვეყნის საკოორდინაციო საბჭოსთან არსებული ქვეყანაში ტუბერკულოზის სფეროში კლინიკური კვლევების კოორდინაციის ჯგუფის მეხუთე შეხვედრა გაიმართა.

შეხვედრის მიზანი იყო სფეროში დაგეგმილი და მიმდინარე კვლევების შესახებ განახლებული სტატუსის წარდგენა.

2017 წლის 23 თებერვალს სასტუმრო ჰოლიდეი ინ-ში  გაიმართა ქვეყნის საკოორდინაციო საბჭოს მიერ ორგანიზებული სამოქალაქო საზოგადოების ფორუმი.

ფორუმის მიზანი იყო გარდამავალი პერიოდის მდგრადობის გეგმის ძირითადი ქვაკუთხედების და მათი შესრულებისკენ მიმართული კოორდინირებული ქმედებების განხილვა. ფორუმის მსვლელობისას გაშუქდა აივ/შიდსისა და ტუბერკულოზის კონტროლის მიმდინარე ინიციატივები და მათ განხორციელებაში სამოქალაქო საზოგადოების როლი, გარდამავალი პერიოდის დაგეგმვის პროცესი, გლობალური ფონდის მიმდინარე გრანტები და დაფინანსების სამომავლო პერსპექტივები.

შეხვედრას არასამთავრობო სექტორის წარმომადგენლებთან ერთად საქართველოს საკოორდინაციო საბჭოს სხვა წევრები, შრომის, ჯანმრთელობისა და სოციალური დაცვის სამინისტროს ხელმძღვანელი პირები, სამთავრობო სექტორის,  საერთაშორისო ორგანიზაციების, გლობალური ფონდის წარმომადგენლები დაესწრნენ.