ტუბერკულოზისა და აივ-შიდსის საწინააღმდეგო ღონისძიებების განხორციელებაში საქართველოს არსებით დახმარებას უწევს შიდსთან, ტუბერკულოზსა და მალარიასთან ბრძოლის გლობალური ფონდი. გლობალურ ფონდთან თანამშრომლობის გაგრძელებისა და დამატებითი დაფინანსების მისაღებად შიდსთან, ტუბერკულოზსა და მალარიასთან ბრძოლის ქვეყნის საკოორდინაციო საბჭოს ხელმძღვანელობით დაიწყო განაცხადების (ე.წ. კონცეფციის დოკუმენტების) შემუშავება. განაცხადები ყველა დაინტერესებული მხარის აქტიური მონაწილეობისა და დიალოგის რეჟიმში მზადდება. სამთავრობო და არასამთავრობო, აგრეთვე დონორი ორგანიზაციების, ადგილობრივი და საერთაშორისო ექსპერტების მონაწილეობით ჩამოყალიბდა ორი სამუშაო ჯგუფი. აივ/შიდსის ჯგუფი 2015 წლის 20 აპრილამდე შეიმუშავებს აივ/შიდსის, ხოლო ტუბერკულოზის ჯგუფი 2015 წლის 15 ივლისამდე მოამზადებს ტუბერკულოზის განაცხადს გლობალურ ფონდში წარსადგენად. საკოორდინაციო საბჭო მიესალმება არასამთავრობო ორგანიზაციების, განსაკუთრებით კი ტუბერკულოზითა და შიდსით დაზარალებული მოსახლეობის ჩართვას სამუშაო პროცესში. ჯგუფების შეხვედრები ღიაა და მასზე დასწრება შესაძლებელია ყველა დაინტერესებული მხარისთვის.

დეტალური ინფორმაცია გლობალური ფონდის დაფინანსების ახალი მოდელის შესახებ შეგიძლიათ იხილოთ შემდეგ მისამართზე: http://www.theglobalfund.org/en/fundingmodel/

შეკითხვებით და დამატებითი ინფორმაციის მოთხოვნით გთხოვთ მიმართოთ ქვეყნის საკოორდინაციო საბჭოს სამდივნოს:

ირინა გრძელიძე, აღმასრულებელი მდივანი. secretary@ccm.caucasus.net ტელ: 51 00 11 (0615);

ნათია ხონელიძე, ადმინისტრაციული ასისტენტი. admin.ccm@caucasus.net. ტელ: 51 00 11 (0616)

2015 წლის 12 თებერვალს სასტუმრო ძველ თბილისში გაიმართა ერთდღიანი სამუშაო შეხვედრა  აივ/შიდსის ეროვნული სტრატეგიის შემუშავების თაობაზე. შეხვედრის ორგანიზატორია ქვეყნის საკოორდინაციო საბჭო. ღონისძიება გაიმართა საფრანგეთის „5% ინიციტივის“ ფინანსური მხარდაჭერით.

შეხვედრას ესწრებოდნენ საფრანგეთის „5% ინიციატივის“ ექსპერტები, ქვეყნის საკოორდინაციო საბჭოს წევრები, დონორი ორგანიზაციების,საქართველოს შრომის, ჯანმრთელობისა და სოციალური დაცვის სამინისტროს, დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრის, ასევე  სამოქალაქო სექტორის, მათ შორის სათემო ორგანიზაციებისა და ზიანის შემცირების ქსელის წარმომადგენლები. შეხვედრის მსვლელობისას განხილულ იქნა ეროვნული სტრატეგიული გეგმის ამოცანები და ინტერვენციები.

2015 წლის 13 თებერვალს ქვეყნის საკოორდინაციო საბჭოს ორგანიზებით საქართველოს დამსაქმებელთა ასოციაციის ოფისში გაიმართა გენდერული საკითხებისადმი მიძღვნილი სამუშაო შეხვედრა.

შეხვედრა მიზნად ისახავდა ტუბერკულოზისა და აივ-შიდსის საპასუხო ღონისძიებებში გენდერული სენსიტიურობის პრომოციას, ქვეყნის საკოორდინაციო საბჭოს

წევრების და სამდივნოს ცნობიერების ამაღლებას, მონაწილეებისათვის აივ/შიდსისა და ტუბერკულოზის სტრატეგიისა და პროგრამების

შემუშავების პროცესში გენდერული საკითხების გათვალისწინებისათვის და გენდერული საკითხებისადმი მიძღვნილი დისკუსიების წარმართვისათვის

აუცილებელი ცოდნის მიწოდებას.სამუშაო შეხვედრა წარიმართა ზიანის შემცირების ევრაზიის ქსელის კონსულტანტების მიერ.

2015 წლის 29 იანვარს სასტუმრო ქორთიარდ მარიოტში, ქვეყნის ერთიანი საკოორდინაციო საბჭოს

ინიციატივით, გაიმართა აივ/შიდსის და ტუბერკულოზისსფეროში მოღვაწე სამოქალაქო საზოგადოების ფორუმი.

ფორუმის მიზანი იყო არასამთავრობო ორგანიზაციების, ტუბერკულოზითა და შიდსით

დაზარალებული მოსახლეობის უფრო აქტიურიჩართვა შიდსისა და ტუბერკულოზის ეროვნულისტრატეგიებისა   და გლობალურ

ფონდშიწარსადგენი საგრანტო განაცხადების მომზადებისსამუშაო პროცესში, მათი მოსაზრებების, საჭიროებების

გათვალისწინება და შიდსის და ტუბერკულოზის საპასუხო ღონისძიებებში

ფართოჩართულობის უზრუნველყოფის ხელშეწყობა.