2015 წლის 16 ოქტომბერს დაავადებათა კონტროლის და საზოგადოებრივი ჯანმრთელობის ეროვნულ ცენტრში გაიმართა ქვეყნის საკოორდინაციო საბჭოს საზედახედველო კომიტეტის მორიგი შეხვედრა. შეხვედრის მონაწილეებმა განიხილეს აივ/შიდსის და ტუბერკულოზის მე-5 პერიოდის (2015 წლის 1 აპრილი – 2015 წლის 30 ივნისი) საზედამხედველო ჩარჩო. შეხვედრის დროს განხილულ იქნა გლობალური ფონდის პროექტების მიმდინარე სტატუსი.

2015 წლის 23 სექტემბერს საქართველოს შრომის, ჯანმრთელობისა და სოციალური დაცვის სამინისტროში გაიმართა ქვეყნის საკოორდინაციო საბჭოსთან არსებული ქვეყანაში ტუბერკულოზის სფეროში კლინიკური კვლევების კოორდინაციის ჯგუფის პირველი შეხვედრა . ჯგუფი შექმნილია საბჭოს 2015 წლის 28 მაისის, # 79 სხდომის გადაწყვეტილების საფუძველზე. ჯგუფის ძირითადი მიზანია ტუბერკულოზის დიაგნოსტიკისა და მკურნალობის ინოვაციური მეთოდების კოორდინირება და მათი ქვეყანაში დანერგვის ხელშეწყობა. ჯგუფში გაერთიანებულია შრომის, ჯანმრთელობისა და სოციალური დაცვის სამინისტროს ჯანდაცვის დეპარტამნეტის,სამედიცინო საქმიანობის სახელმწიფო რეგულირების სააგენტოს, ბიოეთიკის ეროვნული საბჭოს, ტუბერკულოზისა და ფილტვის დაავადებათა ეროვნული ცენტრის, საქართველოს ფთიზიატრთა  და პულმონოლოგთა ასოციაციის,  ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრის წარმომადგენლები და ტუბერკულოზით დაავადებული ყოფილი პაციენტი. პირველი სხდომა მიეძღვნა ტუბერკულოზის მკურნალობის ეფექტურობის გაუმჯობესების მიზნით საქართველოში მიმდინარე და დაგეგმილი კვლევების მიმოხილვას.

ჯგუფის მუშაობა ღიაა და დაინტერესებულ მხარეებს დამატებითი ინფორმაციისათვის  შეუძლიათ მიმართონ ქვეყნის საკოორდინაციო საბჭოს სამდივნოს შემდეგ ელექტრონულ მისამართებზე: admin.ccm@caucasus.net და secretary@ccm.caucasus.net

2015 წლის 22 სექტემბერს საზედამხედველო კომიტეტმა განახორციელა ვიზიტი თანადგომის ოფისში, თელავში. ვიზიტის მიზანი იყო გლობალური ფონდის დაფინანსებით მიმდინარე შიდსის პროგრამის მიმდინარე სტატუსის შეფასება

საქართველოში აივ ინფექციის/შიდსის, ტუბერკულოზისა და მალარიის წინააღმდეგ მიმართულ ღონისძიებათა ქვეყნის ერთიანი საკოორდინაციო საბჭოს განცხადება საბჭოს

შემადგენლობის განახლების თაობაზე

საბჭოს შემადგენლობის განახლების მიზნით საბჭო იწვევს აივ/შიდსისა და ტუბერკულოზის სფეროში მოღვაწე დაინტერესებულ არასამთავრობო ორგანიზაციებს, ამ დაავადებებით დაზარალებულ ჯგუფებსა და ამჟამად დაავადების მატარებელ ან წარსულში ნამკურნალებ პაციენტებს გამოხატონ საბჭოში მუშაობის ინტერესი და წარმოადგინონ თავიანთი კანდიდატი საბჭოში გასაწევრიანებლად. მოწვევა შეეხება შემდეგ პოზიციებს:

· აივ/შიდსის სფეროში მოღვაწე არასამთავრობო ორგანიზაციები (როგორც საერთაშორისო, ასევე ადგილობრივი)- 3 წევრი

· ტბ სფეროში მოღვაწე არასამთავრობო ორგანიზაციები (როგორც საერთაშორისო, ასევე ადგილობრივი) – 2 წევრი

· აივ/შიდსით დაზარალებული ჯგუფები – 3 წევრი

· ტბ დაზარალებული ჯგუფი – 1 წევრი

· აივ-ინფიცირებული პირი – 1წევრი

· ტუბერკულოზით ამჟამად დაავადებული ან წარსულში ნამკურნალები პირი – 1წევრი

საბჭოში განაცხადების მიღება იწარმოებს 2015 წლის 20 ოქტომბრიდან 30 ოქტომბრამდე პერიოდში. 30 ოქტომბრის შემდეგ შემოსული განაცხადები აღარ განიხილება.

გთხოვთ იხილოთ განცხადების სრული ტექსტი შემდეგ ბმულზე: http://www.georgia-ccm.ge/?page_id=2020